१२ सूर्यनमस्कार आणि श्लोक ... घाला आणि स्मरण करा ...संपूर्ण विधी
सूर्यनमस्कार घालणे ही सूर्याची उपासना, शारीरिक बल व मनोबल, तसेच बुद्धी व तेज वाढवणारी असून नमस्कार रोज सकाळी स्नानानंतर पूर्वेकडे तोंड करून व तीर्थ प्राशन करण्यासाठी एका शुद्ध फुलपात्रात स्वच्छ पाणी सूर्यासमोर व आपल्या सन्मुख ठेवून सूर्य प्रसन्न व्हावा म्हणून घालावेत ।
१२ नमस्कार म्हणजे १ आवृत्ती । आपल्या शक्तीप्रमाणे एक, दोन व तीन आवृत्या घालाव्यात ।
हात जोडून उभे राहून प्रत्येक वेळी पुढील नाममंत्र क्रमाने म्हणून एक-एक नमस्कार घालावा ।
१. ओम मित्राय नमः ।
२. ओम रवये नमः ।
३. ओम सूर्याय नमः ।
४. ओम भानवे नमः ।
५. ओम खगाय नमः ।
६. ओम पूष्णे नमः ।
७. ओम हिरण्यगर्भाय नमः ।
८. ओम मरीचये नमः ।
९. ओम आदित्याय नमः ।
१०. ओम सवित्रे नमः ।
११. ओम अर्काय नमः ।
१२. ओम भास्कराय नमः ।
१ आवृत्ती झाल्यावर , सगळे १२ नमस्कार अशे म्हणा :
मित्र - रवि -सूर्य - भानु - खग -पूष -हिरण्यगर्भ - मरिच्यादित्य- सवित्र अर्क - भास्करेभ्यो नमो नमः ।।
नमस्कार पूर्ण झाल्यानंतर , समोर ठेवलेल्या पात्रातील पाणी उजव्या (right hand ) हातावर संध्येतील पळीने घेऊन तीनदा प्राशन करावे । त्यावेळी पुढील श्लोक म्हणावेत -
आदित्यस्य नमस्कारन ये कुर्वन्ति दिने दिने । जन्मांतरसहस्त्रेषु दारिद्रयं नोपजायते ।। १ ।।
अकालमृत्यू -हरणं सर्वव्याधी विनाशानं । सूर्यपादोदकं तीर्थं जठरेधारयाम्यहम ।। २ ।।
अनेन नमस्काराख्येन कर्मणा श्रीसवितृ सूर्यनारायणः प्रीयताम ।।
पात्रात उरलेले पाणी तुळशीला घालावे. घरातील सश्रद्ध लोकांना द्यावे .
टिप्पण्या